Hold Marcos accountable for inhumane treatment of political prisoner Tomas Dominado

Marco L. Valbuena, Chief Information Officer
Communist Party of the Philippines

December 10, 2024

The Communist Party of the Philippines and the Filipino people express the strongest outrage at the inhuman treatment and acts of humiliation against political prisoner Tomas Dominado. Dominado, who is 74 years old, has long been known as a revolutionary activist and fighter in the Panay island. He has served as consultant of the National Democratic Front of the Philippines in peace negotiations.

He survived a stroke last year. He suffers from hypertension and heart enlargement, neurological deficits and other serious medical issues. He needs a wheelchair to move, and requires the constant assistance of a caregiver. Putting him in jail is outright inhuman. It is a virtual death sentence.

On orders of Marcos and his top police and military officers, Dominado was arrested, along with his caregiver "Jofel," last December 5 from his place of residence in Iloilo City and brought to the police station where conditions worsened his health condition. For two days, he has been complaining of difficulty in breathing.

Dominado's legal representatives and medical doctors insisted that he be brought to a medical facility. Following a call and medical certification from the Iloilo Doctor's Hospital, the police provided an ambulance to transport Dominado. But instead of bringing him to the hospital, he was brought to the Regional Trial Court of Mambusao, 100 kilometers away.

Despite being clearly unfit for incarceration, Dominado was ordered by the court to be remanded to a local jail, which has no health facility. A local doctor issued a medical certificate without even taking vital signs. His daughter was not allowed to accompany him. His bags containing his medical effects were not allowed inside the Pototan prison facility.

The treatment and acts of humiliation by the police and courts against Dominado grossly violates his basic democratic rights. We join the family and friends of Dominado for him to be brought to a hospital and be immediately released.

The charges of murder against Dominado are clearly manufactured to depict him as a criminal. They desperately want to obscure the fact that he is a revolutionary who has dedicated his entire life to the people's national democratic aspiration, and punish him severely for serving the oppressed and exploited masses.

The inhumane treatment and humiliation of Dominado over the past days is testament to the gross state of human rights in the Philippines under the US-Marcos fascist regime. This is what Marcos has to offer today as the Filipino people mark International Human Rights Day.

In its desperation to silence the people and suppress their democratic struggles, Marcos is unleashing state terrorism all over the country, perpetrating extrajudicial killings, abductions and unlawful arrests against civilians who are being persecuted for being supporters of the revolutionary movement.

We join Tomas Dominado's family, friends and lawyers in demanding that he and his aide, be immediately released from prison and brought to a medical facility where he could be given the necessary care that he fully deserves.

Mga kasapi ng Kabataang Makabayan sa Pampanga, nanumpa sa bandila
Ang Bayan Ngayon | December 11, 2024

Pinagtibay ng mga kasapi ng Kabataang Makabayan (KM)-Pampanga ang kanilang paninindigan at katapatan sa organisasyon sa inilunsad na muling panunumpa sa bandila ng KM noong Oktubre. Inilunsad ito sa isang hindi tinukoy na sakahan sa prubinsya ayon sa ulat ng espesyal na isyu ng Kalayaan noong Oktubre na inilathala ng KM-Central Luzon.

Ang ginamit na bandila sa panunumpa ay magkakasama ring inihanda ng mga kasapi ng KM-Pampanga. Ipininta nila ang gintong tatsulok at ang simbolo ng KM tulad ng sa Katipunan sa isang pulang tela. “[Ang bandila ay] sumisimbulo sa ginintuang tungkulin ng KM na magmulat, mag-organisa at magpakilos ng kabataan para sa Demokratikong Rebolusyong Bayan,” ayon sa pahayagan.

Pinagtibay din nila ang buong pusong pagtanggap sa linya, programa at patakaran ng KM, pagsusulong ng rebolusyonaryong kilusang kabataan-estudyante sa probinsya, pag-aambag sa armadong pakikibaka at pagpupunyagi sa pambansa-demokratikong rebolusyon hanggang sa ganap na tagumpay.

Ayon sa ulat, lumahok din ang mga kabataan sa kolektibong pagbubungkal sa sakahan. Isinagawa ito ng balangay para ilapit ang loob ng mga kabataan sa mga usapin ng uring anakpawis at hikayatin silang regular na lumabas sa kanilang mga pamantasan upang makilahok sa produksyon at panlipunang praktika.

Ibinahagi ng KM-Pampanga ang kanilang naging pagsasaayos sa balangay sa nagdaang mga buwan para pangibabawan ang mga kahinaan sa ideolohiya, pulitika at organisasyon. Inihayag rin ng balangay ang kanilang mga pagsisikap para magwasto, alinsabay sa ipinanawagang kilusang pagwawasto ng Komite Sentral ng Partido Komunista ng Pilipinas noong Disyembre 2023.

https://philippinerevolution.nu/angbayan/mga-kasapi-ng-kabataang-makabayan-sa-pampanga-nanumpa-sa-bandila/

Unyon sa Nexperia Philippines, muling nagsampa ng pabatid sa pagwewelga
Ang Bayan Ngayon | December 11, 2024

Bago matapos ang 2024, muling nagsampa ng “notice of strike” ang mga manggagawa ng Nexperia Philipppines Inc sa pangununa ng unyon nitong Nexperia Philippines Inc. Workers’ Union-National Federation of Labor Unions-Kilusang Mayo Uno (NPIWU-NAFLU-KMU) noong Disyembre 10 sa National Conciliation and Mediation Board (NCMB) Region IV-A sa Calamba, Laguna. Tugon ito ng unyon sa isang taon nang pag-antala ng kumpanya at deadlock sa negosasyon para sa bagong collective bargaining agreement (CBA).

“Ang isyu ng deadlock sa negosasyon ng CBA sa pagitan ng unyon at ng Nexperia ay isang malinaw na halimbawa ng pagsasamantala ng mga kapitalista sa kanilang mga manggagawa,” pahayag ng unyon. Noong pang huling linggo ng Enero nagsimula ang negosasyon. Umabot na ito sa ika-21 na serye noong Nobyembre 29 pero hanggang ngayon ay wala pa ring sinasang-ayunan ang kapitalista sa kahingian ng unyon.

“Mula sa simula ng negosasyon, hindi ito (Nexperia) nagbigay ng makatarungang counter proposal. Sa halip, ipinagpatuloy ng kumpanya ang pagtanggi sa mga alok ng unyon,” paliwanag ng unyon. Ilang ulit na rin umanong nag-alok ang mga manggagawa ng “adjustment” sa CBA ngunit nananatiling barat at makunat ang kapitalista ng Nexperia at tumatangging sumalubong sa mga makatarungang pangangailangan ng mga manggagawa.

Ipinako ng Nexperia Philippines sa baryang ₱17 ang alok nito na dagdag sahod kada araw at ₱15,000 na signing Bonus. Ang giit ng unyon, dapat itong itaas tungong ₱50 dagdag kada araw para maging katanggap-tanggap man lamang para sa kanilang kalagayan.

Paulit-ulit na idinadahilan ng kapitalista na “mababa ang bolyum” ng produksyon kaya hindi ito pumapayag sa kahingian ng unyon. “Ang mga aktwal na numero at obserbasyon sa loob ng planta, tulad ng mataas na quota at pagtaas ng pagpasok ng raw materials at mga bagong customer, ay nagpapakita ng kabaligtaran,” pahayag ng unyon.

Liban pa, kabi-kabilang panggigipit at mainobra ang tugon ng Nexperia sa paglaban ng mga manggagawa. Sa nagdaang mga buwan, namalas ng NPIWU ang malinaw na mga hakbang ng kapitalista upang durugin ang unyon. Sinampahan nito ng kung anu-anong mga kaso ang mga upisyal ng unyon tulad ng “obstruction” sa panahon ng pagpapatipon sa mga kasapi nito, pagbabawal na gamitin ang ilang pasilidad para mag-apdeyt sa kasapian at iba pang maniobra.

Tagumpay ng unang planong welga

Matatandaan na nagpasyang magwelga ang mga manggagawa ng Nexperia sa pangunguna ng NPIWU noong Hulyo 29-30 matapos makakuha ng mayorya ng boto para sa welga. Naghain sila noong Hunyo 26 ng “notice of strike” dahil sa hindi makatarungang mga kundisyon sa paggawa tulad ng pagtatanggal sa mga upisyal ng unyon, pansamantalang pagtanggal sa mga kasapi ng unyon at paglabag sa mga prubisyon na nakasaad at napagkasunduan sa dating CBA.

Halos 600 ang mga manggagawang apektado ng naging serye ng mga tanggalan sa kumpanya mula noong 2023. Ginamit na dahilan ng maneydsment ang “automation” at “cost-optimization” para ipatupad ang maramihang tanggalan sa panahong iyon.

Dahil sa kapasyahan ng unyon at mga manggagawa, naitulak nito ang kapitalista na galangin ang unyon at karapatan ng mga manggagawa sa katiyakan sa trabaho. Sa isang kasunduang naabot noong Setyembre 18, nangako ang kumpanya na ibabalik ang mga tinanggal, palalawigin ang mga benepisyo at palalakihin ang separation pay ng mga manggagawa.

Naitulak din ng unyon ang maneydsment na mangakong wala nang magaganap na tanggalan hanggang katapusan ng taon at magtutuluy-tuloy na ang negosasyon para sa panibagong CBA. Dahil dito, iniatras ng unyon ang planong welga na pinagbotohan ng mga manggagawa.

Sa kasalukuyan, determinado ang mga manggagawa na igiit ang makatarungang dagdag sahod at iba pa nilang mga karapatan. Isasagawa ang pag-uusap sa pagitan ng dalawang panig hinggil sa “notice of strike” na pangangasiwaan ng NCMB sa Disyembre 12.

“Ang mga hakbang ng Nexperia ay nagpapakita ng layunin nilang pabagsakin ang unyon at ang mga karapatan ng manggagawa, ngunit ang patuloy na sama-samang paglaban ng mga manggagawa ay mahalaga upang maprotektahan ang kanilang mga karapatan at makinabang mula sa kanilang pagod at sakripisyo sa paggawa,” ayon pa sa NPIWU.

Ang Nexperia Philippines ay subsidyaryo ng kumpanyang Nexperia na nakabase sa The Netherlands. Nagmamanupaktura ito ng mga semiconductor sa mga pabrika nito sa Europe, Asia at US.

https://philippinerevolution.nu/angbayan/unyon-sa-nexperia-philippines-muling-nagsampa-ng-pabatid-sa-pagwewelga/

Sigaw sa Internasyunal na Araw ng Karapatang-tao: Duterte panagutin, Marcos, singilin!
Ang Bayan Ngayon | December 11, 2024

Nagtipon ang mga demokratikong organisasyon at progresibong partido sa Liwasang Bonifacio sa Maynila kahapon, Disyembre 10, para gunitain ang ika-76 Internasyunal na Araw ng Karapatang-tao. Dala ang panawagang “Duterte panagutin, Marcos singilin,” inilahad nila ang kalunus-lunos na kalagayan ng karapatang-tao sa bansa sa ilalim ng dalawang magkasunod na rehimen. Nagkaroon ng parehong mga pagkilos sa iba’t ibang syudad sa buong bansa. Sa Liwasan, sinira ng mga raliyista ang isang effigy na tinawag nilang “Mamamayan vs Kasamaan at Kadiliman.” Inilarawan nito sina Ferdinand Marcos Jr at ang mga Duterte sa isang basurahan na sumisimbolo sa kanilang kabulukan.

“Sa taong ito, ginugunita natin ang Pandaigdigang Araw ng Karapatang-tao sa harap ng muling pagtatangka ng rehimeng Marcos Jr na pabanguhin ang sarili nito sa gitna ng dumaraming paglabag ng mga tauhan nito sa militar at pulis sa karapatang-tao at internasyunal na makataong batas,” pahayag ng Karapatan.

Sa mismong araw na iyon, inilunsad ng rehimeng Marcos ang huwad na Human Rights Action Plan, isang plano na binatikos ng mga grupo sa karapatang-tao na “hindi naglalayong tugunan ang mga pangunahing problema na nagdudulot ng mga paglabag sa karapatang sibil at pampulitika at internasyunal na makataong batas.” Sa halip, isa itong pakitang-taong plano para palabasing “maayos ang lahat” sa Pilipinas sa mata ng internasyunal na komunidad.

“Dapat parehong panagutin sina Rodrigo Duterte at Ferdinand Marcos Jr sa bawat buhay na kinitil, bawat biktima ng sapilitang pagkawala, bawat nabilanggo nang walang kasalanan, bawat pinaghinalaang adik o pusher na pinaslang,” ayon sa Karapatan. “Dapat (ring) panagutin ang imperyalismong US, na siyang nagdidisenyo at nagpopondo sa mga madugong pakanang ito. Sadyang sinusuhayan ng US ang mga rehimeng sunud-sunuran sa mga patakarang pabor sa mga imperyalista at sumusupil sa karapatan ng mamamayang lumaban at maghimagsik sa mga mapanupil na papet na ito.”

Sa Bicol, nagtipun-tipon ang mga grupo sa pamumuno ng Bayan-Camarines Sur sa Plaza Quinze Martirez sa Naga City. Samantala, nailunsad ng mga grupong demokratiko ang protesta sa harap ng panrehiyong upisina ng Commission of Human Rights (CHR) sa Legazpi City sa kabila ng panghaharang sa kanila ng mga pulis habang nagtitipon pa lamang sila sa Daraga, Albay. Ayon kay Nica Ombao ng Bicolana Gabriela, minultahan ng mga puis ang mag drayber ng dyip na sinasakyan ng mga raliyista sa kabila ng pagpapakita nila ng permit. Pinagsisigawan din sila ng mga pulis at pinagbawalang kumuha ng bidyo at litrato para sa dokumentasyon. Nagsampa na ng kaso ang Bayan-Bicol laban sa mga upisyal ng pulis na sina Azotea, Fradela, Esenar, Piamir, at dalawa pang nakadamit-sibilyan.

Sa Cebu, hindi napigilan ng pag-ulan ang pagtitipon ng mga raliyista sa Metro Colon. Kasama sa mga lumahok si Bebe Allere, tagapangulo ng Cebu Urban Poor Women’s League, na nagbahagi ng mga paglaban ng maralitang lunsod sa militarisasyon sa mga syudad ng Cebu, Mandaue at Lapu-lapu. Nagbahagi rin si Nick Abasolo, pinuno ng Kilusang Magbubukid ng Pilipinas-Cebu hinggil sa militarisasyon sa mga komunidad ng magsasaka sa Cebu, pinakahuli ang pagkakampo ng militar sa Bonbon, Aloguinsan. Bahagi rin ng protesta ang Bayan MUna, Selda-Cebu at Piston-Cebu.

Sa Iloilo, nagprotesta sa harapan ng munisipyo ang mga myembro ng Panay Alliance Karapatan. Sa Davao City, sa Freedom Park inilunsad ng grupong Karapatan-SMR ang paggunita. Sa Baguio, isinagawa ng mga progresibong grupo ang gabi ng sining at pagkakaisa sa Igorot Park.

Sa espesyal na ulat ng Ang Bayan na inilabas doon ding Disyembre 10, umaabot sa 508,239 ang bilang ng mag biktima ng rehimeng Marcos mula nang umupo ito sa poder noong Hunyo 30, 2022 hanggang Disyembre 1 ngayong taon. Nakapagtala ang AB ng 232 biktima ng ekstrahudisyal na pagpaslang at 79 bigong pagpaslang, karamihan mga magsasaka; 233 biktima ng pagdukot at 488 iligal na pag-aresto at detensyon. Mayroong 179 biktima ng tortyur at 241 biktima ng pananakit.

Dagdag dito ang 2,343 biktima ng pamimilit, 82,723 bikitima ng sapilitang pagbabakwit at dislokasyon ay 160,862 bikton ng pambabanta, panggigipit at intimidasyon.

https://philippinerevolution.nu/angbayan/sigaw-sa-internasyunal-na-araw-ng-karapatang-tao-duterte-panagutin-marcos-singilin/

Panibagong ekstensyon sa konsolidasyon ng prangkisa ng dyip, desperasyon ng rehimeng Marcos
Ang Bayan Ngayon | December 11, 2024

Binatikos ng mga grupo ng karaniwang tsuper at opereytor ng dyip ang inilabas na Memorandum Circular No. 2024-043 ng Land Transportation Franchising and Regulatory Board (LTFRB) noong Disyembre 5 na naglalayong palawigin na namang muli ang palugit ng sapilitang konsolidasyon ng prangkisa ng mga dyip. Anila, ang hakbang na ito ay malinaw na nagpapakita sa desperasyon ng rehimeng Marcos at nagpapatunay ng malawakang kapalpakan ng anti-mahirap at makadayuhang Public Transport Modernization Program (PTMP, dating PUVMP).

Ayon sa Piston (Pagkakaisa ng mga Samahan ng Tsuper at Operator Nationwide), layunin pa rin nitong pilitin ang mga tsuper at opereytor ng mga tradisyunal na dyip na pumaloob sa konsolidasyon at PTMP. Iniusod ng LTFRB ang dedlayn hanggang Disyembre 31 at pinahihintulutan ang pagyahe ng mga mayrong “provisional authority o PA”. “Ang totoo, ‘di lang maamin ng LTFRB na palpak ang programa nila kaya puro pantapal lang na extension ang laging ginagawa nito,” anang grupo.

Sa nagdaang dalawang taon, ilang beses nang nagpatupad ng pagpapalawig ng palugit ang LTFRB para ampatin ang malawakang krisis sa transportasyon na idinudulot ng kanilang bulok na PTMP. Ayon sa Piston, marami sa mga opereytor na napilitang mag-apply sa konsolidasyon na humabol sa dedlayn noong nakaraang taon ang hanggang ngayon ay hindi pa rin naipoproseso ng LTFRB.

“Ang gusto kasi ng gubyerno, ay direktang isuko na ng maliliit na operator ang kanilang mga prangkisa sa malalaking korporasyon at kooperatiba para mamonopolyo nila ang mga rutang matagal na itinaguyod at pinakikinabangan ng mga ordinaryong Pilipino,” pahayag ng grupo.

Ganito rin ang sentimyento ng grupong Manibela (Samahang Manibela Mananakay and Nagkaisang Terminal ng Transportasyon). Anang grupo, walang bago dito at patuloy na maraming nililinlang na karaniwang mamamayan ang pgorama. “Ngayon taon-taon na ang extension ng [provisional authority para sa pagbyahe] na dati ay limang taon ang validity ng ating mga prangkisa!”

Sa harap ng lalo pang pagkakalantad sa kabulukan at mga kasinungalingan ng LTFRB at ng gobyerno ni Marcos, nanawagan ang Piston at Manibela na ipagpatuloy ang kanilang laban para sa karapatan sa prangkisa at kabuhayan. “Meron tayong sama-samang pagkilos na hindi kayang matibag ng sinuman sa kadiliman at kasamaan!” anang Piston.

https://philippinerevolution.nu/angbayan/panibagong-ekstensyon-sa-konsolidasyon-ng-prangkisa-ng-dyip-desperasyon-ng-rehimeng-marcos/

Walang basehang reklamong inihain kay Rep. Castro sa Kongreso, pampulitikang paghihiganti
Ang Bayan Ngayon | December 11, 2024

Sunud-sunod na pagkundena ng mga demokratikong organisasyon, kabilang ng mga organisasyon ng Lumad at katutubo, ang sumalubong sa inihain ng huwad na grupong Lumad na pinatatakbo ng NTF-Elcac laban kay Rep. France Castro kahapon, Internasyunal na Araw ng Karapatang-tao.

Ayon kay Castro, isa na naman itong panggigipit sa kanya, tulad ng ikinaso sa kanya at sa Talaingod 13 dahil sa pagsaklolo nila sa mga guro at estudyante sa isang paaralang Lumad sa gitna ng militarisasyon.

“Kilala namin ang mga taong nasa likod ng panggigipit na ito,” aniya. “Sila rin ang mga indibidwal na nabunyag na mga tagalabag sa karapatang-tao at mandarambong sa kaban ng bayan.

Aniya, ginawa ito ng naturang mga indibidwal para “maghiganti at pagtakpan ang kanilang ginawang kasamaan laban sa mamamayan.”

“Masyado kasing nalantad ang ginawang pagpatay sa ilalim ng pekeng drug war ni Duterte sa Quad com, at ang paglustay ng confidential funds ni VP Duterte at ngayon ay may impeachment na siyang kinakaharap at may International Criminal Court (ICC) naman ang matandang Duterte. Kaya ngayon ay kinakalampag nila ang mga kapwa red tagger nila sa NTF-ELCAC para harasin ang mga tulad namin na naglantad sa kanilang kalokohan,” aniya.

“Pulitikal na paghihingante” rin ang tawag ni Atty. Karlos Zarate, dating kinatawan ng Bayan Muna Partylist, sa kasong isinampa ng huwad na organisasyong lumad laban kay Rep. Castro sa komite sa ethics ng Kongreso

“Ang kasong ito ay isang pilit na iskemang ginawa at binuo ng pasistang mga pwersa at ang totoong layunin ay gipitin si Rep. Castro, na nanguna sa pagbubunyag at pagnawagan para sa pagbabasura sa confidential at intelligence funds na pawang pork barrel na mga pondo,” ani Zarate.

Hindi rin ito makatatayo dahil hindi pa pinal ang hatol na nagkasala kay Rep. Castro sa mga gawa-gawang kaso, na nakaapela pa sa Court of Appeals, aniya. Sa gayon, hindi obligado o walang batayan ang komite sa ethics ng Kongreso na gumawa ng hakbang kaugnay sa petisyon. Batay sa sarili nitong mga tuntunin, kailangang ipagpapaliban ng komite ang anumang aksyon laban sa isang kongresistang may nakasampang reklamo hanggang pinal ang hatol sa kanya.

“Malinaw na hindi aakto ang komite sa walang batayang reklamo dahit nakaapela pa ang usapin,” ayon kay Zarate.

“Ang ganitong katawa-tawang akusasyon ay pantabing lamang sa karumal-dumal na mga krimen ng estado laban sa katutubong mamamayan, na deka-dekada nang binobomba, pinapatay at binubusalan dahil sa paglaban nila sa malalaking minahan at sa pag-agaw ng mga lupang ninuno,” pahayag ni Liza Maza, tagapangulo ng Koalisyong Makabayan at kandidato pagkasenador.

“Ang dapat kasuhan at ibilanggo ay ang mga lumalapastangan sa karapatan ng mga Lumad, hindi ang mga nagtuturo, nagtatanggol, at naglilingkod sa kanila. Patuloy naming ipaglalaban ang karapatan ng mga katutubo at ang hustisya para sa Talaingod 13,” ayon kay Antonio Tinio, unang nominado ng ACT Teachers Party.

“Patuloy kaming maninindigan para sa hustisya, hindi lamang para sa amin kundi para sa lahat ng mga Lumad na biktima ng pang-aabuso. Hindi kami titigil sa paglaban hanggang makamit ang katarungan,” ayon kay Castro.

Walang basehang reklamong inihain kay Rep. Castro sa Kongreso, pampulitikang paghihiganti
Ang Bayan Ngayon | December 11, 2024

Sunud-sunod na pagkundena ng mga demokratikong organisasyon, kabilang ng mga organisasyon ng Lumad at katutubo, ang sumalubong sa inihain ng huwad na grupong Lumad na pinatatakbo ng NTF-Elcac laban kay Rep. France Castro kahapon, Internasyunal na Araw ng Karapatang-tao.

Ayon kay Castro, isa na naman itong panggigipit sa kanya, tulad ng ikinaso sa kanya at sa Talaingod 13 dahil sa pagsaklolo nila sa mga guro at estudyante sa isang paaralang Lumad sa gitna ng militarisasyon.

“Kilala namin ang mga taong nasa likod ng panggigipit na ito,” aniya. “Sila rin ang mga indibidwal na nabunyag na mga tagalabag sa karapatang-tao at mandarambong sa kaban ng bayan.

Aniya, ginawa ito ng naturang mga indibidwal para “maghiganti at pagtakpan ang kanilang ginawang kasamaan laban sa mamamayan.”

“Masyado kasing nalantad ang ginawang pagpatay sa ilalim ng pekeng drug war ni Duterte sa Quad com, at ang paglustay ng confidential funds ni VP Duterte at ngayon ay may impeachment na siyang kinakaharap at may International Criminal Court (ICC) naman ang matandang Duterte. Kaya ngayon ay kinakalampag nila ang mga kapwa red tagger nila sa NTF-ELCAC para harasin ang mga tulad namin na naglantad sa kanilang kalokohan,” aniya.

“Pulitikal na paghihingante” rin ang tawag ni Atty. Karlos Zarate, dating kinatawan ng Bayan Muna Partylist, sa kasong isinampa ng huwad na organisasyong lumad laban kay Rep. Castro sa komite sa ethics ng Kongreso

“Ang kasong ito ay isang pilit na iskemang ginawa at binuo ng pasistang mga pwersa at ang totoong layunin ay gipitin si Rep. Castro, na nanguna sa pagbubunyag at pagnawagan para sa pagbabasura sa confidential at intelligence funds na pawang pork barrel na mga pondo,” ani Zarate.

Hindi rin ito makatatayo dahil hindi pa pinal ang hatol na nagkasala kay Rep. Castro sa mga gawa-gawang kaso, na nakaapela pa sa Court of Appeals, aniya. Sa gayon, hindi obligado o walang batayan ang komite sa ethics ng Kongreso na gumawa ng hakbang kaugnay sa petisyon. Batay sa sarili nitong mga tuntunin, kailangang ipagpapaliban ng komite ang anumang aksyon laban sa isang kongresistang may nakasampang reklamo hanggang pinal ang hatol sa kanya.

“Malinaw na hindi aakto ang komite sa walang batayang reklamo dahit nakaapela pa ang usapin,” ayon kay Zarate.

“Ang ganitong katawa-tawang akusasyon ay pantabing lamang sa karumal-dumal na mga krimen ng estado laban sa katutubong mamamayan, na deka-dekada nang binobomba, pinapatay at binubusalan dahil sa paglaban nila sa malalaking minahan at sa pag-agaw ng mga lupang ninuno,” pahayag ni Liza Maza, tagapangulo ng Koalisyong Makabayan at kandidato pagkasenador.

“Ang dapat kasuhan at ibilanggo ay ang mga lumalapastangan sa karapatan ng mga Lumad, hindi ang mga nagtuturo, nagtatanggol, at naglilingkod sa kanila. Patuloy naming ipaglalaban ang karapatan ng mga katutubo at ang hustisya para sa Talaingod 13,” ayon kay Antonio Tinio, unang nominado ng ACT Teachers Party.

“Patuloy kaming maninindigan para sa hustisya, hindi lamang para sa amin kundi para sa lahat ng mga Lumad na biktima ng pang-aabuso. Hindi kami titigil sa paglaban hanggang makamit ang katarungan,” ayon kay Castro.

https://philippinerevolution.nu/angbayan/walang-basehang-reklamong-inihain-kay-rep-castro-sa-kongreso-pampulitikang-paghihiganti/

3rd ID at AFP, nanggalaiti sa mga poster ng KM sa mga unibersidad sa Iloilo
Ang Bayan Ngayon | December 11, 2024

Walang pagsidlan ang panggagalaiti ng 3rd ID sa pamumuno ng kumander nito na si Maj. Gen. Marion Sison sa mga poster at polyeto ng Kabataang Makabayan (KM) na ipinakalat ng rebolusyonaryong organisasyon sa University of the Philippines (UP)-Visayas at West Visayas State University (WVSU) noong nakaraang linggo. Ang mga poster at polyeto ay naglalaman ng mga panawagan ng KM sa mga kabataan na sumapi sa Bagong Hukbong Bayan (BHB) at pagdiriwang sa ika-60 anibersaryo nito noong Nobyembre 30.

Kaugnay ng anibersaryo ng KM, binati at pinagpugayan ng KM-Panay ang lahat ng mga balangay at kasapi nito sa buong isla. Nag-alay rin ito ng parangal sa lahat ng mga kabataang nagbuwis ng buhay at namartir bilang mga Pulang mandirigma ng BHB. “Malinaw pa rin sa atin ang ating tungkulin bilang mga kabataang mulat sa tunay na kalagayan ng ating lipunan: pukawin ang lahat ng kabataan, makiisa sa pakikibaka ng masang anakpawis at hikayatin sila sa daan ng armadong pakikibaka,” pahayag ni Ka Victoria Juven, tagapagsalita ng KM-Panay.

Ayon pa kay Juven, hinaharap ng mga kabataan at kabataan-estudyante sa Panay at sa buong bansa ang napakaraming suliranin na siyang dahilan ng patuloy nilang pagtindig. Nariyan, aniya, ang mga isyu ng kakulangan ng pasilidad at guro sa mga eskwelahan, patuloy na represyon sa mga kampus kabilang ang Red-tagging, intimidasyon at pagbabawal sa mga progresibong organisasyon. Maging ang mga pribadong eskwelahan ay pinapasok ng mga pwersa ng estado at National Task Force-Elcac para sa kampanyang panunupil.

“Desperado ang gubyerno sa pagpigil na maging kritikal ang kabataan at mamamayan,” ayon sa tagapagsalita. Aniya, hindi krimen ang pag-aalsa laban sa inhustisya at pakikibaka para baguhin ang isang bulok na sistema, at higit lalong hindi krimen ang pagiging rebolusyonaryo.

Nanawagan ang KM-Panay sa lahat ng kabataan na ialay ang kanilang kaalaman at lakas sa pambansa-demokratikong rebolusyon sa pagsapi sa BHB. Ito lamang umano ang tanging paraan para makamtan ang isang lipunang ganap na malaya.

Takot na takot ang 3rd ID

Kasunod ng paglitaw ng mga poster, istiker at polyeto ng KM sa dalawang unibersidad sa Iloilo, nagpahayag ng labis na pagkabahala si Maj. Gen. Sison sa tinawag niyang “agresibong mga aksyon” ng KM laluna at “bulnerable ang mga estudyante sa ganitong mga taktika.” Dahil dito, inatasan niya ang 3rd ID at kinumpasan ang Regional Task Force-Elcac 6 na magsagawa ng imbestigasyon para tugisin ang mga nagpaskil ng poster at nagpalaganap ng materyal para sa rekrutment sa BHB.

Isinusulong ng 3rd ID ang isang “koordinadong inter-ahensyang pagtugon para pigilan ang rekrutment ng [KM] sa mga kabataan.” Tulad sa nakaraan, hindi malabong humantong na naman ito sa isang kampanya ng Red-tagging sa mga ligal na organisasyon at samahan ng mga kabataan sa mga unibersidad.

Itinulak rin ng 3rd ID ang mga upisyal ng unibersidad na “aktibong makipagtulungan” sa mga pwersa ng gubyerno laban sa sinasabi nitong kumon na kaaway na rebolusyonaryong organisasyon. Matatandaang noong 2021, ay nag-ikot ang mga sundalo at pulis sa mga unibersidad para “linisin” ang mga silid-aklatan nito at samsamin ang lahat ng tinagurian nitong mga “subersibong libro at dokumento.

https://philippinerevolution.nu/angbayan/3rd-id-at-afp-nanggalaiti-sa-mga-poster-ng-km-sa-mga-unibersidad-sa-iloilo/

COA, hinimok na ilabas ang ulat sa paggastos ni Marcos Jr sa ₱4.57 bilyong CIF
Ang Bayan Ngayon | December 13, 2024

Hinamon ng Bagong Alyansa Makabayan (Bayan) ang Commission on Audit na maglabas ng ulat kaugnay sa paggastos ni Ferdinand Marcos Jr ng confidential at intelligence funds (CIF) ng kanyang upisina sa nakaraang taon.

Ayon kay Renato Reyes, presidente ng Bayan, dapat masuri ito ng publiko tulad ng pagsuri sa CIF ng bise-presidente. Panahon na para tanggalin lahat ng klase ng confidential funds, kabilang ang pondo para sa presidente.

“Sa ngalan ng transparency at accountability, dapat ilabas ng COA ang lahat ng nalalaman nito kaugnay sa CIF ng upisina ng presidente,” pahayag ni Reyes.

Noong 2023, ginastos ni Marcos ang ₱4.57 bilyon na inilaan niyang CIF sa kanyang upisina, na halos kalahati ng kabuuang ₱10.4 bilyong CIF sa badyet. Mas mataas ito sa ₱4.5 bilyong CIF na ginastos ng Malacañang noong 2022. Ilang ulit itong mas malaki kumpara sa CIF ni BP Sara Duterte.

Tinukoy ni Sonny Africa, Executive Director ng Ibon Foundation na katumbas ito sa ₱12.5 milyon kada araw sa loob ng 365 araw. Mas mataas ito sa ₱11.4 milyon kada araw na ginastos ni Duterte sa loob ng 11 araw. Inilarawan ito ni Reyes na “nakahihilong halaga.” (mindblowing amount).

Batay sa mga ulat, ginastos ang naturang halaga sa sumusunod: ₱2.2 bilyon bilang confidential expenses; ₱2.3 bilyon para sa intelligence expenses; at mahigit ₱10 milyon para sa “extraordinary” at “miscellaneous” expenses.

https://philippinerevolution.nu/angbayan/coa-hinimok-na-ilabas-ang-ulat-sa-paggastos-ni-marcos-jr-sa-%e2%82%b14-57-bilyong-cif/

Matandang inaresto sa Olongapo City, maling pinalalabas ng rehimeng Marcos na dating kumander ng hukbong bayan—PKP
Ang Bayan Ngayon | December 13, 2024

Pinasinungalingan ng Partido Komunista ng Pilipinas (PKP) ang pinangangalandakan ng Philippine National Police at ng rehimeng Marcos na naaresto nito ang kumander ng Bagong Hukbong Baayan (BHB) na si Prudencio Calubid noong Disyembre 7 sa Barangay Gordon Heights, Olongapo City. Ayon kay Marco Valbuena, upisyal sa impormasyon ng Partido, hindi si Calubid ang inaresto dahil noon pang 2006 siya dinukot at iwinala ng rehimeng Arroyo.

“Mahigpit naming tinutuligsa ang rehimeng Marcos…sa bulaang pahayag [at] kinukundena namin ang pag-aresto sa hindi kilalang matandang lalaki,” ayon kay Valbuena. Malinaw na motibo ng pag-aresto ang makubra ang ₱7.8 milyong ipinatong ng militar at pulis sa ulo ni Calubid, aniya.

Ayon sa PNP, naaresto ang matanda sa ilalim ng “Oplan Pagtugis” at “Oplan Salikop.” Isang buwan umano ang kanilang iginugol para sa gawaing paniktik at pagmamanman para madakip ang matanda. Mayroon umanong kaso si Calubid na robbery with double homicide, damage to property, at 15 bilang ng pagpatay.

“Si Calubid ay dinukot at winala ng mga ahente ng militar noong 2006. Kasama niyang dinukot ang kanyang asawa na si Celina Palma, sina Ariel Beloy, Antonio Lacno at ang kaniyang pamangkin na si Gloria Soco,” ayon kay Valbuena. Ang sasakyan ni Calubid at mga kasama ay hinarang sa isang di mataong bahagi ng haywey sa Sipocot, Camarines Sur habang bumibiyahe patimog. Nakita ng isang saksi kung paano sila pinosasan, piniringan, at pwersahang ipinasok sa iba’t ibang sasakyan.

Noong Hunyo 26, 2010, pinarangalan ng Partido si Calubid at kanyang mga kasamang dinukot ng mga pwersa ng estado. Inilarawan sa espesyal na isyu ng Ang Bayan ang pinagdaanan ng mga biktima sa kamay ng mga berdugo. “Sa loob ng dalawang araw, ang lahat ng mga dinukot ay dumanas ng matinding tortyur sa safehouse ng militar. Narinig nila ang pagtortyur sa isa’t isa. Pero sa halip na tumiklop, walang takot nilang nilabanan ang mga pagpapahirap sa kanila,” ayon dito.

Ang buong detalye ng karumal-dumal na krimen ng rehimeng Arroyo laban sa mga biktima ay naisalaysay ni Antonio Lacno (Ka Goyong), isa sa mga dinukot na nagawang makatakas sa kamay ng mga sundalo.

Ayon kay Valbuena, “ang pahayag ng PNP ay naglalayong hugasan ang kamay ng Armed Forces of the Philippines sa krimen ng pagdukot at pagwala kay Calubid at sa Sipocot 5.” Pagdidiin pa niya, malaki itong insulto at pagkutya sa halos dalawang dekada nang paghahanap ng hustisya ng mga pamilya at ang kanilang pakikibaka na hanapin ang kanilang nawawalang mga mahal sa buhay.

Dagdag pa ni Valbuena, bahagi rin ang palabas na pag-aresto ng koordinadong opensibang PR ng rehimeng Marcos upang desperadong lumikha ng larawan na sila ay ganap na nagtatagumpay sa paggupo sa armadong paglaban ng bayan. Kaugnay ito ng panibagong target ng rehimen na wakasan ang rebolusyonaryong kilusan ngayong 2024.

https://philippinerevolution.nu/angbayan/matandang-inaresto-sa-olongapo-city-maling-pinalalabas-ng-rehimeng-marcos-na-dating-kumander-ng-hukbong-bayan-pkp/

AKAP, iba pang programang ayuda, binatikos
Ang Bayan Ngayon | December 13, 2024

Binatikos ng Taumbayan Ayaw sa Magnanakaw at Abusado Network Alliance (Tama Na) ang Ayuda sa Kapos sa Kita Program o AKAP na ipinanukala ng pamunuan ng Mababang Kapulungan sa pambansang badyet para sa 2025. Tinanggal ang pondo sa bersyon ng Senado pero ibinalik ng bicameral committee ang kalahati o ₱26 bilyon ng orihinal na halaga na ₱39 bilyon. Una itong tinutulan ng Senado dahil walang inilaan ang Kongreso para sa mga senador.

Sa pinal na bersyon ng panukalang badyet, inilaan ang ₱21 bilyon sa Kongreso, at ang ₱5 bilyon para sa Senado. Ibig sabihin, kung paghahatian ng lahat ng kongresista ang bahagi nito, pangangasiwaan ng bawat isang kinatawan ang P83 milyong pondo. Kung hindi bibigyan ang mga kinatawan ng party-list, tataas tungong ₱103 milyon ang mapupunta sa mga kinatawan ng distrito. Bagamat mas maliit ang nakalaan para sa Senado, aabot sa ₱208 milyon ang mapupunta sa bawat isang senador.

Sinasabing target ng AKAP na bigyan ng ayuda ang mga pamilyang mababa ang kita na apektado ng implasyon at iba pang sirkunstansya. Dagdag ito sa napakarami nang programang ayuda tulad ng Pantawid Pamilyang Pilipino Program o 4Ps, Assistance to Individuals in Crisis Situations, TUPAD o Tulong Panghanapbuhay sa Ating Disadvantaged/Displaced Workers, espesyal na pensyon para sa mahihirap na senior citizen, Sustainable Livelihood Program, Medical Assistance to Indigent and Financially-Incapacitated Patients, at marami pang iba.

Unang inilusot ang AKAP sa badyet para sa 2024. Kabi-kabilang pagbatikos ang inani nito laluna sa unang hati ng taon nang mabunyag na ginagamit ang pondo para itulak ang charter change o chaha sa pamamagitan ng People’s Initiative.

Ayon sa Tama Na, ang AKAP at katulad na mga programang ayuda ay hindi naiiba sa naunang mga ginagamit ng mga kongresista at senador para sa sistemang padrino. Malaki ang papel nito sa pulitika lalupa’t paparating ang eleksyon. Sa nakaraan, lantarang ginagamit ang mga programang ayuda para ipansuhol sa mga kongresista at senador, at ipambili ng boto at impluwensya.

“Katulad ng 4Ps, ang AKAP at ibang katulad na ayudang programa ng gubyerno para pang-ahon sa kahirapan, ay nagmumukhang nagbibigay ng kinakailangang alwan sa naghihirap na mga pamilya. Pero ang reyalidad, ang mga programang ito ay nag-eengganyo ng pagiging palaasa imbes na nagbibigay ng kapangyarihan sa mamamayan para makamit ang pangmatagalang istabilidad,” ayon sa alyansa. “Sintomas ito ng isang sistema sa pulitika kung saan ang ayudang pinansyal ay ginagamit pang-impluwensya sa mahihirap imbes na paraan para sa tunay na pag-unlad.”

Ang tunay na kailangan ng mamamayan ngayon ay dagdag-sahod at mas maayos na trabaho, hindi subsidyo o ayuda, ayon sa alyansa. Pero imbes na ito ang atupagin, itinutulak ng Kongreso at Senado ng kani-kanyang mga programang ayuda, na walang iba kundi mga panandaliang remedyo.

Tinitiyak ng mga programang nagtataguyod ng sistemang padrino na manatiling nakaasa ang mamamayan sa mga pulitiko, at sa gayon ay nakapailalim sa kanilang kontrol, ayon sa Tama Na. Dapat, anito, basagin ang sistemang ito para wakasan ang korapsyon sa gubyerno.

Habang nakapagbibigay ng panandaliang alibyo ang mga subsidyo, hindi ito dapat ipampalit sa mga repormang panlipunan na nagtataguyod ng hustisyang pang-ekonomya, ayon sa alyansa.

https://philippinerevolution.nu/angbayan/akap-iba-pang-programang-ayuda-binatikos/

Ordinansa na nagtatanggol sa mga tagapagtaguyod ng karapatang-tao, naitulak sa Baguio City
Ang Bayan Ngayon | December 13, 2024

Pinuri ng mga grupo sa karapatang-tao at progresibong mga samahan ang pagpasa sa ikatlo at huling pagdinig ng Baguio City Council sa Human Rights Defenders Ordinance (City Council Resolution 763-2023) noong Disyembre 9. Ipinasa ito matapos ang higit limang taon na pagtutulak ng mga grupo para kilalanin ang karapatan ng mga nagtataguyod sa karapatang-tao at protektahan sila mula sa mga pang-aatake, tulad ng panggigipit, Red-tagging at iba pang porma ng intimidasyon at karahasan.

“Sa harap ng kumikitid na espasyong sibiko, pinupuri at pinasasalamatan namin ang Baguio City Council sa pagpasa [ng panukala] na kumikilala sa kahalagahan ng trabaho para sa pagtatanggol sa karapatang-tao at pag-institusyunalisa ng proteksyon para [sa kanila],” pahayag ng Cordillera Human Rights Alliance (CHRA).

Isinaad mismo sa panukala ang walang maliw na pangangampanya sa konseho ng Cordillera Youth Center, Tongtongan ti Umili, Youth Act Now Against Tyranny Baguio-Benguet, CHRA, at iba pang organisasyon simula pa 2018 para sa mga patakaran at programang magtatanggol sa mga nagtataguyod ng karapatang-tao. Dahil dito, naisad sa panukala ang komprehensibong balangkas para protektahan ang gawain sa pagtataguyod ng karapatang-tao sa syudad.

Inilatag dito ang 19 na karapatan ng mga tagapagtaguyod ng karapatang-tao. Laman din ng panukala ang pagtatayo ng mga sangtwaryo para sa mga nanganganib na tagapagtanggol ng karapatang-tao at mga biktima ng paglabag; pagbibigay ng ligal at psychosocial na tulong sa kanila; pagparusa sa Red-tagging; at pagsasagawa ng mga aktibidad para ipabatid sa publiko ang kanilang mga karapatang-tao.

Isinaad dito na kaagad dapat iwasto o bawiin ng mga pwersa ng estado at mga pampublikong awtoridad kung magsasagawa sila ng Red-tagging. Sakaling hindi sumunod dito, maaari silang maharap sa mga kasong administratibo at kriminal. Pagmumultahin sila ng ₱1,000 hanggang ₱5,000.

Nakasaad din sa panukala ang pakahulugan at saklaw ng Red-tagging. Kabilang dito ang pagbansag o pagtawag sa mga indibidwal o organisasyon bilang mga komunista, subersibo at terorista sa mga aktibidad sa eskwelahan, pagpapakalat nito sa social media at mga kampanya ng paninira na suportado ng gubyerno.

Naitulak ito ng konseho ng Baguio City sa kabila ng matigas na pagtutol dito ng Armed Forces of the Philippines (AFP) at Philippine National Police (PNP) sa mga pampublikong pagdinig at debate sa nagdaang mga buwan. Isinumite na ng konseho sa upisina ni Baguio City Mayor Magalong ang panukala para mapirmahan at maging lokal na batas.

“Kung hindi dahil sa kolekibong pagsisikap ng mamamayan, ang mga panukalang magtitiyak sa proteksyon ng ating mga karapatang-tao ay hindi maisasakatuparan,” pahayag ni Gabriel Siscar, ika-apat na nominado ng Kabataan Party-list na nakabase sa Cordillera.

https://philippinerevolution.nu/angbayan/ordinansa-na-nagtatanggol-sa-mga-tagapagtaguyod-ng-karapatang-tao-naitulak-sa-baguio-city/

Banta ng demolisyon sa isang komunidad sa Davao City, kinundena
Ang Bayan Ngayon | December 13, 2024

Kinundena ng Kadamay (Kalipunan ng Damayang Mahihirap)-Davao ang bantang demolisyon laban sa 47 kabahayan sa Dalat, San Roque, Davao City noong Disyembre 10. Ayon sa mga residente, nagmula sa upisina ni Atty. Elisio Braganza ang banta ng pagpapalayas sa kanila.

Sa araw na iyon, lumapag sa komunidad ang mga tauhan ng Davao City Local Government Unit (LGU), sa partikular mula sa City Engineering Office. Labis na nangamba ang mga residente para sa kanilang mga tirahan at karapatan.

Ayon sa Kadamay-Davao, lubhang pagbalewala ang banta ng demolisyon sa kapakanan ng komunidad at kasabay pang inilunsad sa paggunita sa Internasyunal na Araw ng Karapatang-tao. “Mahigpit nating ipinananawagan na ihinto ang hindi makatarungang demolisyon at intimidasyon, at dapat bigyan ng tamang relokasyon at sapat na kompensasyon ang mga apektadong pamilya,” pahayag ng grupo.

Hinimok nito ang mga kapwa maralita sa Davao na magkaisa at mag-organisa para ipahayag at ilantad ang kinahaharap nilang mga isyu at paglabag sa karapatang-tao. Samantala, nagpahayag ng pakikiisa sa mga maralita ang Gabriela Women’s Party-Southern Mindanao. “Manindigan kasama ang komunidad,” panawagan ni Dra. Jean Lindo, ikatlong nominado ng partido para sa eleksyong party-list sa 2025.

https://philippinerevolution.nu/angbayan/banta-ng-demolisyon-sa-isang-komunidad-sa-davao-city-kinundena/

Mga guro sa Maynila, nagsampa ng kaso laban sa upisyal ng DepEd dahil sa panggigipit
Ang Bayan Ngayon | December 13, 2024

Nagpiket sa harap ng Office of the Ombudsman sa Quezon City noong Disyembre 10 ang mga gurong kasapi ng Manila Public School Teachers Association (MPSTA) kasabay ng paghahain ng kasong administratibo laban kay Department of Education (DepEd) Manila Schools Division Superintendent Rita E. Riddle. Isinampa laban kay Riddle ang kasong grave misconduct at labis na pag-abuso sa awtoridad kasunod ng panggigipit at panghaharas niya sa mga guro.

Ayon kay Hogier Villarias, presidente ng MPSTA, haharap sila sa Ombudsman para papanagutin si Riddle. Nakabatay ang kaso sa panggigipit ni Riddle sa may 200 guro na sumama sa isang pagkilos noong Mayo 15. Nagprotesta ang mga guro dahil isinantabi ng naunang Division Memorandum 219 s. 2024 ni Riddle ang 30-araw na day off ng mga guro para sa buwan ng Hunyo.

Nagsampa si Riddle ng mga kaso laban sa 22 guro sa Professional Regulation Commission at Office of the Ombudsman. Ginamit niyang dahilan ang umano’y “paglabag sa etikal at propesyunal na pamantayan para sa mga propesyunal na guro.” Naniniwala ang MPSTA na ang pagkakaso ay isang malinaw na kaso ng pagsupil sa lehitimong karapatan ng mga guro na mag-organisa at magpahayag ng kanilang hinaing.

“Kapag nagsalita ang mga guro para sa kanilang karapatan, bakit kailangang gantihan ng panghaharas at intimidasyon? Hindi krimen ang pagtatanggol sa karapatan ng mga guro at ng edukasyon,” ayon kay Villarias. Dagdag ng lider-guro, dapat nang mahinto ang pagturing na krimen sa pagtindig laban sa pag-abuso sa kapangyarihan.

Ayon sa MPSTA, sinasalamin ng hakbang ni Riddle ang mas malawak pang padron ng pag-atake ng estado laban sa mga progresibong organisasyon at indibidwal na tumitindig para sa kanilang karapatan. “Sa panahon ng matinding krisis sa ekonomya at edukasyon, lalong kailangan ng mga guro na magsalita at ipaglaban ang kanilang karapatan. Hindi kami magpapatahimik sa mga taktikang ito ng intimidasyon,” pahayag ni Villarias.

Bago ang protesta sa harap ng upisina ng Ombudsman, nagpiket ang mga myembro ng MPSTA sa tapat ng upisina ng DepEd Manila sa Arroceros St, sa lunsod para papanagutin ang dibisyon at mga upisyal nito. Nakiisa sa pagkilos at laban ng MPSTA ang Alliance of Concerned Teachers (ACT) NCR Union at ACT Philippines.

Nanawagan ang ACT Philippines ng suporta sa mga nasa sektor ng edukasyon, mga tagapagtaguyod ng karapatang-tao at iba pang demokratikong organisasyon na suportahan ang laban ng MPSTA. “Ang karapatan mag-organisa at magprotesta ay hindi isang krimen,” ayon pa sa grupo.

https://philippinerevolution.nu/angbayan/mga-guro-sa-maynila-nagsampa-ng-kaso-laban-sa-upisyal-ng-deped-dahil-sa-panggigipit/