Sual: Orucun səhih olma şərtlərindən biri orucun insana zərər verəcəyi xəstəliyin olmamasıdır. Zərər dedikdə nə nəzərdə tutulur?
Cavab:

• Xəstələnməsidir. Yəni oruc tutsa xəstələnəcək.
• Xəstəliyin ağır keçməsi. Yəni bu adam xəstədir, oruc tutur, bu səbəbə görə xəstəliyi daha da çətin, məşəqqətli və ağırlı keçir.
  3 - Xəstəliyin gec sağalmasıdır. Yəni oruc tutmasa daha tez sağalar.
  Qeyd: Xəstəlik dedikdə ürfdə etimad olunan xəstəliklər nəzərdə tutulur. Yəni yüngül xəstəlik olanda ona etmad olunmur.

Qeyd: Bunlardan biri olsa orucu açmaq caizdir.

Məsələ 1915.Orucun özü üçün önəmli zərəri olmadığını bilən, yaxud buna arxayın olan şəxs hərçənd həkim zərərli olduğunu söyləsə belə, oruc tutmalıdır. Orucun onun üçün önəmli zərəri olduğuna əmin olan, yaxud bunu güman və ehtimal edən şəxsin oruc tutması isə hərçənd həkim zərəri olmadığını söyləsə belə, vacib deyil və o orucunu poza bilər. Hətta əgər ehtimal etdiyi, yaxud mövcudluğuna əmin olduğu zərər haram həddində olarsa, oruc tutmaması, onu pozması vacibdir. Haram sayılan zərər istisna olmaqla digər hallarda insan rəcaən (savab ümidi ilə) oruc tuta bilər və əgər sonradan orucun onun üçün önəmli zərəri olmadığı məlum olarsa, orucu düzgündür.

Qeyd: "Haram həddində" dedikdə şiddətli zərər, yəni ölümə ya şikəstliyə səbəb olan zərərlər nəzərdə tutulur.

Cünuba haram olan hərəkətlər
Məsələ 427.Yeddi şey cünuba haramdır:

1. Bədənin hər hansı bir hissəsini Quranın yazısına toxundurmaq.
2. Vacib ehtiyata əsasən, bədənin hər hansı bir hissəsini hansı dildə olmasından asılı olmayaraq uca Allahın müqəddəs adına (ləfzi-cəlaləyə) və eləcə də digər gözəl adlara (əsma əl-hüsnaya), həmçinin müstəhəb ehtiyata əsasən, peyğəmbərlərin, imamların və Həzrət Fatimənin (Onların hamısına Allahın salamı olsun!) adlarına toxundurmaq.
3. Hətta bir qapıdan daxil olub, digər qapıdan çıxmaq surəti ilə olsa belə Məscid əl-haram və Məscid ən-Nəbiyə daxil olmaq.
4. Digər məscidlərdə dayanmaq. Lakin məscidin içindən ötüb keçməyin, yəni bir qapısından girərək, digər qapısından çıxmağın eybi yoxdur. Həmçinin, məsum imamların (ə) müqəddəs ziyarətgahlarına da, vacib ehtiyata əsasən, bu məsələdə məscid hökmü şamil olunur və ziyarətgah deyərkən “rövzə”, yəni onların müqəddəs qəbirləri və qəbrin ətrafındakı zərihin yerləşdiyi sahə nəzərdə tutulur, tağtavan və meydanlar isə rövzə sayılmır. Lakin tağtavan və meydanların məscid olduğu müəyyən edilərsə, bu hökm onlara da şamil olunur. İmamzadələrin məqbərələrinə məsum imamların məqbərələri ilə bağlı hökm şamil olunmur. Ancaq imamzadələrin ziyarətgahlarında yerləşən, məscid olduğu sabit olan məkanlara məscid hökmü şamil olunur. Qeyd etmək lazımdır ki, məscid sayılmayan evlərdə, idarələrdə, müəssisələrdə, məktəblərdə və s. yerlərdəki namazxanalara, həmçinin, hüseyniyyələr, şəhid məzarlığı, mömin qəbiristanlığı kimi yerlərə məscid hökmü şamil olunmur.
5. Hər hansı bir şey götürmək məqsədilə məscidə daxil olmaq.
6. Lazım ehtiyata əsasən, hətta məscidin içindən ötüb keçərkən, yaxud məscidə daxil olmadan, kənardan belə olsa, məscidə bir şey qoymaq.
7. Vacib səcdəsi olan ayələrdən hər hansı birini oxumaq. Bu ayələr dörd surədədir:
   Quranın 32-ci (Səcdə) surəsinin 15-ci ayəsi;
   41-ci (Fussilət) surəsinin 37-ci ayəsi;
   53-cü (Nəcm) surəsinin sonuncu ayəsi;
   96-cı (Ələq) surəsinin axırıncı ayəsi.
   Müstəhəb ehtiyata əsasən, cünub bu dörd səcdəli surənin digər ayələrini də oxumamalıdır.

Fəqihlərin (Allah onlardan razı olsun) zikr etdiklərinə əsasən cünuba məkruh olan şeylər
Məsələ 428. Doqquz şey cünuba məkruhdur:

1. və 2) yemək və içmək (lakin dəstəmaz alarsa, yaxud əl-üzünü yuyarsa və ağzını yaxalayarsa, məkruh sayılmır, yalnız əlini yuduqda isə məkruhluq azalır);
2. Quranın vacib səcdəsi olmayan yeddidən artıq ayəsini oxumaq;
3. Bədənin hər hansı bir hissəsini Quranın cildinə, haşiyəsinə, yaxud yazılarının arasındakı boş yerlərə toxundurmaq;
4. Quranı üzərində saxlamaq;
5. Yatmaq (lakin dəstəmaz alarsa, yaxud su tapılmadığından qüsl əvəzinə təyəmmüm edərsə, məkruh sayılmır)
6. Xına və bu qəbildən olan şeylərdən istifadə etmək;
7. Bədənə müxtəlif növ yağ və kremlərin sürtülməsi;
8. Pollyusiyadan, yəni yuxuda sperma ifraz olduqdan sonra oyandıqda cinsi əlaqəyə girmək.